L’Irlandais et Crapauds

Conte créole

Explication


 

    Ein fois yavait ein l’Irlandais sou qui tapé révini village et té passé coté ein piti la rivière ou yé té gagnin boucou crapauds. Li tendé crapauds yé qui tapé dit: —Brum, brum, brum. Ah! dit l’Irlandais la, tapé dit:—Rum, rum, rum, tolé mo rum, mo va donnin toi ein pé, mais faut to promette moin rende moin mo jug. Mais di moin, est-ce que do l’eau la fond?
    —Jou, jou, jou, dit crapauds yé.—Oh! dit l’Irlandais la ça pas ben fond. Tien, voila mo rum. Li jété so jug dans do l’eau et li tende ein bon moment, pi li dit:—Anon, Michié, voyé moin mo jug, li tard; faut mo retournin chez moin; yapé tende moin. Mais crapauds pas voyé arien. Alors l’Irlandais jété li méme dans do l’eau qui té très haut et té vini jisqua so cou.
    —Sacré menteurs, dit l’Irlandais la, —vous dit moin do l’eau la sré vini jisqua mo ginoux et li jisqua mo cou.
    Comme li té sou li neyé li méme.

 

Retour à la bibliothèque Tintamarre