Elégi d’un Affranchi.

R.L. 30 déc 1866, vol.6, no.34.

Mo gagné si tant la peine,
Dans mo tet’ na pu l’espri;
Mo pauv’ zieux semblé fontaine,
Mo la fam’ mouri jordi.
Li té noir passé chaudière,
Mé li dou, dou com’ siro;
Li té gagné tout pour plaire,
Quand li nayé dans do l’eau.

Po peti li té si bel,
Quand mo couté so la voix,
Mo té cré tendé tourterel,
Qui chanté zamour à moi.
Quand mo gardé so la bouche,
So dents blan, so né, so zieux,
Mo té vini tout farouche,
Tant mo peur zot amoureux.

Quand pré li mo coupé canne,
Li becqué moi tou le’ pas;
Quand mo couri dans cabanne,
Mo méné li par so bras.
Quand mo té fé li caresses,
Li té di moi le’ zamours;
Li jamais gagné tristesses,
Mo content, content toujours.

Retour à la bibliothèque Tintamarre